Manchester City dhe Arsenal kanë luajtur baras 0-0 në kryendeshjen e javës në Ligën Premier, në një sfidë që nuk ishte aq e mirë për sytë e adhuruesve të futbollit.
E kjo ndeshje nuk i ka pëlqyer as trajnerit të Brentfordit, Thomas Frank që e ka quajtur një duel të mërzitshme.
“Të jem i drejtë… jo në të vërtetë. Sigurisht, mezi prisja ta shikoja ndeshjen. City dhe Arsenal janë dy nga tre skuadrat më të mira në botë, jo vetëm në Ligën Premier tani”.
“Kështu që e pashë, por mendoj se ata iu ruajtën njëri-tjetrin. Si Mikel Arteta dhe Pep Guardiola, i admiroj jashtëzakonisht shumë për punët që po bëjnë”.
“I njëjti stil loje, të njëjtat ndryshime, e njëjta strategji”, tha Frank.
“Sinqerisht, ishte e mërzitshme në fund. Por sigurisht, lojtarët e klasit botëror, ata ishin në të, të gjithë, pa dyshim për këtë”, përfundoi trajneri i Brentford.
Man City mbetet një pikë pas Arsenalit, i cili ka rënë në vendin e dytë dhe dy pikë pas liderit Liverpool. /Telegrafi/