Besa nuk po arrin të këndellet asesi, pasi edhe në javën e 15-të të Superligës së Kosovës ka pësuar humbje.
Skuadra nga Peja u mposht në shtëpi nga Prishtina, duke e pësuar kështu humbjen e katërt radhazi.
Trajneri i Besës, Jerome Klien ka thënë se kjo situatë nuk e shqetëson atë edhe aq shumë, shkaku që janë skuadër e re dhe kanë projekt afatgjatë.
“Ne kemi një skuadër të re dhe duam të bëjmë progres me ta. Kjo është e rëndësishme sepse ne jemi duke punuar për të ardhmen. Kemi një projekt përpara për ta shtyrë, të shohim më pas se çfarë do të ndodh”, deklaroi ai për “Art Sport”.
“Pas realizimit të golit të Prishtinës ne kërkuam nga futbollistët që të luajnë më lartë dhe të bëjnë presion më shumë”.
“Ne kishim disa mundësi të mira për ta barazuar rezultatin, por nuk i’a dolëm. Lojtarët shpenzuan shumë energji në këtë takim, sepse luftuan shumë dhe për këtë jam i kënaqur, pasi që ata treguan shpirtin luftarak”, përfundoi Klein. /Telegrafi/