Trajneri i Besës së Pejës, Jerome Klein është shfaqur i lumtur pas fitores së parë në kampionat.
Besa e ka mposhtur Trepçën ’89 me rezultat 2-1.
“Jam shumë i lumtur për këta djem të rinj të cilët vrapojnë gjatë 90 minutave. Normalisht nuk ishte mirë të humbnim në takimet e kaluara por prapë për trajnerët, presidentin dhe lojtarët kjo e sotmja ishte një fitore e mirëseardhur”, ka thënë fillimisht ai.
Tutje ai shtoi se synimi i klubit mbetet Superliga dhe do të luftojnë të mbesin në elitë.
“Trepça 89 kanë luajtur mirë deri më tani por sot ne ishim më të mirë. Objektivi jonë është të mbesim në Superligë pasi kemi shumë futbollist të rinj. Superliga do i ndihmonte talentëve tanë të rriteshin akoma më shumë”, ka thënë Klein për Art Sport pas ndeshjes.
Besa e Pejës tani ka tri pikë pas pesë ndeshjeve. /Telegrafi/