Trajneri i Bayern Munchen, Hansi Flick ka folur në konferencë për shtyp para ndeshjes me RB Leipzig, duke u ndalur edhe tek lëndimi i Robert Lewandowskit.
Ai ka thënë se Thomas Muller ose Serge Gnarby mund ta zëvendësojnë polakun.
“Muller mund të bëjë edhe nëntën, ekziston edhe Gnabry i cili mund të veprojë në qendër të sulmit”.
“Do të jetë një sfidë e madhe për të gjithë ne që të mos e ndiejmë mungesën e Robertit. Ne duhet të luajmë si ekip, duke u përpjekur të qëndrojmë afër”.
“Duhet edhe më shumë frymë ekipi për të kapërcyer këtë mungesë. Ky është një moment kryesor i sezonit”, ka thënë Flick.
Bayern Munich ka 61 pikë si lider, ndërsa RB Leipzig janë në vendin e dytë ne 57 pikë. /Telegrafi/