Mehmet Palaz është një nga turqit e lënduar i cili u shtrua në spital pasi u shemb ballkoni i ndërtesës së qarkut të CHP-së në Tavas, gjatë zgjedhjeve lokale të 31 marsit.
E tani mjekët kanë bërë të ditur se Palaz nuk i ka mbijetuar plagëve të marra nga shembja e ballkonit.
Me shpalljen e rezultateve të zgjedhjeve lokale të 31 marsit, ballkoni i ndërtesës së Partisë Popullore Republikane (CHP) në lagjen Tavas të Denizlit u shemb.
Pas ngjarjes së trishtë mbetën të lënduar 8 anëtarë të partisë, 3 prej tyre në gjendje të rëndë, transmeton Telegrafi.
Disa nga të lënduarit janë dërguar në spitalin shtetëror Tavas, ndërsa disa në spitalet në Denizli.
65-vjeçari Mehmet Palaz, i cili u lëndua rëndë dhe u dërgua në spitalin shtetëror të Denizlit, nuk ka mundur të shpëtojë me gjithë ndërhyrjet.
Lajmi për vdekjen e Tavaslı Mehmet Palaz mbushi me trishtim qarkun ku ai vepronte.
Kadir Tatık, i cili fitoi kryebashkiakun e Tavas, deklaroi se ishte në spital dhe se ishte shumë i pikëlluar pas lajmit për vdekjen e tij.
“Uroj shërim sa më të shpejtë për bashkëqytetarët e mi që u plagosën nga ngjarja e mbrëmshme. Mëshirë i uroj edhe vëllait tim Mehmet Palaz i cili ndërroi jetë. Ngushëllimet e mia”, tha kryebashkiaku Tatik. /Telegrafi/
