Ndërmarrja publike “Trafiku Urban” në Prishtinë pritet t’i marrë përgjegjësitë për menaxhimin jo vetëm të linjave të veta, por edhe të linjave private. Aktualisht 80 për qind e shërbimeve në këtë fushë i përkasin sektorit privat.
Madje për këtë kjo ndërmarrje të mërkurën ka shpallur edhe konkurs për pranimin e punëtorëve të rinj.
“Po kërkojmë punëtorë të rinj me qëllim që nga janari 2015 të fillojmë me menaxhimin e trafikut urban në gjithë Komunën e Prishtinës, duke përfshirë kompanitë private për bartjen e udhëtarëve”, ka thënë drejtori i NP “Trafiku Urban”, Halil Mustafa.
Ky ka treguar se nga dhjetori në këtë kompani do të jenë konsulentët e Bankës Botërore për Ndërtim dhe Zhvillim dhe se, sipas tij, nevojitet staf i ri në mënyrë që punët të zhvillohen më suksesshëm.
Ai ka treguar për 5 vizita që zyrtarët e BERZH-it paraprakisht ua kanë bërë kushteve të trafikut në Prishtinë dhe për gatishmërinë e kompanisë për të marrë rreth 5 milionë kredi, “që organizmi i trafikut të jetë në mënyrën më të mirë të mundshme. /Koha Ditore/Telegrafi/