Nëse këto foto të reja nga Toyota janë ndonjë tregues, tani duket se është radha e hibridit Toyota Prius për një ridizajnim të madh,.
Imazhet, të cilan u shpërndanë në kanalet japoneze të mediave sociale të Toyota-s, konfirmojnë një datë zbulimi të 16 nëntorit dhe thonë “Hybrid Reborn”, që do të thotë se ky model i ri nuk mund të jetë asgjë tjetër përveç hatchback-ut origjinal hibrid i Toyota-s.
Ky do të jetë gjenerata e pestë e Prius-it dhe silueta e tij duket mjaft e njohur.
Por forma e dallueshme, e cila ndihmon me profilin aerodinamik të makinës, mund të përfshijë disa detaje të reja, transmeton Telegrafi.
Në një imazh “teaser”, pjesa e pasme duket e ngjashëm me atë të dizajnit që kemi parë në disa makina konceptuale Toyota, duke përfshirë disa nga konceptet e fundit të veturave elektrike të kompanisë dhe kryqëzimin kompakt Toyota Crown të tregut japonez, i referuar si tipi Sport.
Nga caranddriver shkruajnë se nuk janë të sigurt se çfarë të presin saktësisht nga sistemi i ri hibrid i Prius-it, por thonë se janë të sigurt që do të synojë ekonomi më të lartë të karburantit sesa versioni aktual, i cili arrin një vlerësim EPA deri në 23 kilometra për një litër.
Vetura hibride plug-in Prius Prime ka të ngjarë të rikthehet dhe duhet të ofrojë një paketë më të madhe baterish për të ofruar një rreze të përmirësuar vetëm elektrike në krahasim me rrezen e vozitjes prej 40 kilometrash të makinës me një bateri plotësisht të ngarkuar. /Telegrafi/