Francesco Totti ka konfirmuar se nesër (17 qershor) do të mbajë një konferencë për media, derisa pritet që ai ta konfirmojë largimin nga Roma.
Konferenca për media do të mbahet në ora 14:00, në ambientet e skuadrës italiane, duke konfirmuar kështu largimin e tij nga Giallorossët.
Edhe pse ende nuk është zyrtare, Totti pritet të largohet nga Roma, pasi mësohet se ai nuk është i kënaqur me rëndësinë e tij në klub.
Domani alle 14 presso il CONI si terrà la conferenza stampa di Francesco Totti. Per accreditarsi è necessario compilare il form “Press” su https://t.co/FxZqA2LRHU. I posti sono limitati. La conferma di avvenuto accredito sarà inviata tramite email.
— Francesco Totti (@Totti) June 16, 2019
Madje, legjenda italiane thuhet se është duke u injoruar nga hierarkia e klubit, duke bërë që ta kërkojë largimin nga skuadra.
Me këtë rast, Totti do t’i jepte fund shërbimit 30-vjeçar te Roma, pasi kishte luajtur për 786 ndeshje në skuadër.
Legjenda e romakëve u pensionua nga futbolli në vitin 2017, mirëpo nga mediat italiane bëhet e ditur se ai po planifikon që ta marrë drejtimin e ndonjë skuadre nga Serie B. /Telegrafi/