Luciano Spalletti ka arritur ta bëj kampion Napolin, duke festuar titullin e tretë në histori të klubit.
Megjithatë e ardhmja e trajnerit italian nuk është në Diego Armando Maradona stadium, pasi do të largohet në fund të sezonit nga napolitanët.
Shumë emra janë përfolur për ta pasuar Spallettin në postin e trajnerit te Napoli, por presidenti Aurelio De Laurentis ende nuk ka vendosur se kujt do t’ia besoj punën.
Legjenda italiane, Francesco Totti e ka këshilluarin të parin e Napolit për ta punësuar Luis Enriquen, duke thënë se spanjolli ka futboll të ngjashëm me Luciano Spallettin.
“Unë mendoj se Luis Enrique është padyshim një trajner për Napolin. Më pëlqen, e respektoj dhe mendoj se mund të bëjë mirë”.
“Ai është një person i mirë, modest dhe i gjendet kujtdo pranë. Do të ishte lëvizja e duhur për Napolin, është një trajner i madh”.
“Për sa i përket stilit të lojës, është shumë i ngjashëm me Spallettin, por ata ngjajnë gjithashtu edhe në stërvitje. Për mua do të ishte një zgjedhje e shkëlqyer”, tha ndër të tjera Francesco Totti për Corriere dello Sport.
Përveç trajnerit spanjoll në garë për ta marr postin e trajnerit te Napoli janë edhe Julian Nagelsmann, Antonio Conte dhe Thiago Mota. /Telegrafi/