Të gjithë e mbajnë mend 28 majin e vitit 2017, kur Romës iu pensionua futbollisti më i madh në histori të tyre Francesco Totti.
Ikona e Romës në lamtumirën e tij në Olimpico bëri një gjest unik, duke i vendosur shiritin e kapitenit një talenti të Akademisë së Giallorosëve dhe duke thënë se fëmijët ëndërrojnë shiritin dhe fanellën me numër 10 te Roma.
“Ky shirit duhet të bartet gjithmonë nga futbollistë romakë. Për këtë arsyeje nuk dua të largohet as numri 10 pasi fëmijët ëndërrojnë që një ditë ta bartin shiritin dhe fanellën me numër 10”, deklaroi Totti.
Il passaggio di consegne: la fascia va da #Totti a Mattia Almaviva, Pulcini 2006, il più giovane capitano del settore giovanile giallorosso pic.twitter.com/8vgZZinliK
— AS Roma (@OfficialASRoma) May 28, 2017
Fëmija që mori shiritin nga Totti në atë kohë ishte një 11 vjeçar i quajtur Mattia Almaviva një nga futbollistët më të mirë në atë kohë të gjeneratave të reja.
Kur kanë kaluar shtatë vite, Almaviva tani ka bërë një hap të madh, pasi si 18-vjeçar është grumbulluar nga trajneri Daniele De Rossi në ekipin e parë të Romës për një turne në Australi.
Kjo ka bërë që shumë media në Itali dhe jo vetëm t’i japin hapësirë dhe të shkruajnë artikuj të ndryshëm për talentin.
🗓️ 7 anni dopo… 🐺
✈️ Mattia Almaviva è in viaggio con la squadra per l’amichevole di Perth 🇦🇺#ASRoma pic.twitter.com/tI9dTLfXIa
— AS Roma (@OfficialASRoma) May 28, 2024
Almaviva është kapiten i Romës U18 dhe luan si mesfushorë ofensivë ku ka shënuar shtatë gola në 21 ndeshje.
18-vjeçari pritet të debutoj me fanellën e ekipit të parë të Romës më 31 maj në ndeshjen miqësore që Roma e zhvillon ndaj Milanit në Optus Stadium në Perth të Australisë. /Telegrafi/