Gareth Bale pritet të pushojë në ndeshjen miqësore të Uellsit kundër Shteteve të Bashkuara të Amerikës.
Anësori i Tottenham Hotspur u zëvendësua në minutën e 78-të të ndeshjes kundër West Bromwich Albion, ndërsa në këmbë i ishte vënë akull.
Kjo për faktin se 31-vjeçari kishte pësuar një lëndim të lehtë, ndërsa Jose Mourinho ka kërkuar nga Uellsi që të ketë kujdes për shkak të gjendjes jo të mirë fizike të lojtarit.
Bale ka qenë duke u rikuperuar nga lëndimi i gjurit prej se u transferua nga Real Madridi te Spursat dhe sapo i është kthyer lojës.
Tottenhami do të shpresojë që ai të mos lëndohet gjatë angazhimit me përfaqësuesen, në mënyrë që të mos i përsëriten problemet me lëndime dhe rënia në formë që kishte pasur në vitet e fundit te Reali. /Telegrafi/