Spanjolli ishte pjesë e rivalit të hidhur të qytetit Atletico Madrid dhe Torres vazhdimisht ka thënë se ai nuk do të transferohet në Santiago Bernabeu. Për hir të respektit për Atletico, Torres bëri transferim në Angli te Liverpooli ku është një prej shtyllave kryesore të këtij ekipi.
“Në afat të shkurtër e ardhmja ime është në Angli. Me Real Madrid nuk ka pasur kurrfarë situate, as të drejtpërdrejtë ose indirekte. Kurrë nuk kam pasur ofertë nga Real Madridi. Nëse më kontakton Perez? Ai kurrë nuk do të më telefonojë, të gjithë e dinë mendimin tim për këtë çështje”, ka thënë Torres. /Telegrafi/