Toronto Raptors ka vazhduar dominimin në NBA pasi ka marrë edhe fitoren e pestë radhazi dhe të 17 në total.
Skuadra kanadeze para adhuruesve të vet ka mposhtur lehtësisht Miami Heat me rezultat 125:115.
Kawhi Leonard ishte fantastik në këtë takim me 29 pikë të shënuara, 10 kërcime e dy asistime.
Lojë të mirë tregoi edhe Siakam me 21 pikë si dhe qendra Valanciunas me ‘Double-double’ prej 17 pikëve e 10 kërcimeve.
Richardson me 19 pikë dhe Adebayo me 16 të tjera ishin koshashënusit kryesor tek Heat, por që nuk mjaftuan për fitore.
Couple of @NBA vets. https://t.co/2Mr69s7OfP
— Toronto Raptors (@Raptors) November 26, 2018
Toronto vazhdon kryesimin në Lindje me 17 fitore dhe katër disfata.
Tek fitoret është rikthyer edhe Philadelphia 76ers që ka mposhtur Brooklyn Nets me rezultat të ngushtë 127:125.
Në fakt ka qenë Jimmy Butler hero i Philas në këtë takim me një tre pikësh vendimtar dy seconda para fundit të ndeshjes.
.@jimmybutler poured in a season-high 34 points and the game winner in Brooklyn! #HereTheyCome https://t.co/gxz7tKn8zJ
— Philadelphia 76ers (@sixers) November 26, 2018
Butler ishte koshashënuesi më i mirë i Philas me 34 pikë e 12 kërcime.
Paraqitje fantastike pati edhe qendra Joel Embiid me 31 pikë e 12 kërcime.
Tek Brooklyn shkëlqyen dy fundorët Russell me 38 pikë e Dinwiddie me 31 të tjera por që nuk mjaftuan për fitore. /Telegrafi/
Rezultatet:
Philadelphia 76ers – Brooklyn Nets 127:125
Toronto Raptors – Miami Heat 125:115
LA Lakers – Orlando Magic 104:108
LA Clippers – Portlabd Trail Blazers 104:100
Utah Jazz – Sacramento Kings 133:112
Charlotte Hornets – Atlanta Hawks 123:124
https://www.youtube.com/watch?v=AekWSvr-I6Q
New York Knicks – Memphis Grizzlies 103:98
https://www.youtube.com/watch?v=9x59204gNpg
Detroit Pistons – Phoenix Suns 118:107
