Toronto Raptors ka marrë fitore në ndeshjen e tretë finale të Konferencës së Lindjes.
Skuadra kanadeze ka luajtur para adhuruesve të vet me Bucks ku ka triumfuar me gjashtë pikë epërsi 118:112.
Në fakt u desh dy herë skuadrat të shkonin në kohën shtesë për tu përcaktuar fituesi.
Kawhi Leonard ishte i jashtëzakonshëm në këtë ndeshje për Raptors, duke shënuar 36 pikë, pati nëntë kërcime, pesë asistime dhe dy topa të vjedhur.
Playoff basketball. @TangerineHoops Game Highlights
Watch: https://t.co/jg0WqbZdZq pic.twitter.com/MMgAO8jrkN
— Toronto Raptors (@Raptors) May 20, 2019
Me lojë të mirë te vendasit u dallua edhe Pascal Siakam që e mbylli takimin me 21 pikë e 11 kërcime.
George Hill ishte basketbollisti më efikas te mysafirët me 24 pikë e shtatë kërcime, ndërsa Malcom Brogdon e mbylli ndeshjen me 20 pikë.
Giannis u bllokua mirë nga vendasit, pasi basketbollisti nigeriano-grek nuk arriti të shënoj më shumë se 12 pikë edhe pse kontribuoi me 23 kërcime.
Kësisoj tani epërsia e Bucks është ngushtuar në 2-1 dhe ndeshja e katërt luhet përsëri në Scotiabank Arena në Toronto. /Telegrafi/
https://www.youtube.com/watch?v=hUPn366sK4Y