Top 10 këngët e Linkin Park, në kujtim të top vokalistit Chester Bennington (Video)

Arnolld Korenica

7 years ago

Linkin Park është pa asnjë dyshim një nga rok grupet që ka bërë revolucion jo vetëm në këtë zhanër, por në mbarë skenën e muzikës botërore.

Brendi i ri i muzikës që ata kanë sjellë, një rok alternativ, një përzierje mes rokut modern dhe hip hopit, është përqafuar nga adhuruesit e muzikës në mbarë botën.

Dy shokët më të mirë të grupit për ironi interpretonin dy zhanre të ndryshme në të njëjtin grup.

Mike Shinoda si interpretues i hip hopit ishte shoqërues i Chester Bennigton, vokalistit dhe fytyrës kryesore të grupit.

Duke filluar nga albumi “Hybrid Theory”, dyshja e njohur me anëtarët tjerë të Linkin Park lanë gjurmë me hitet e tyre.

Secila këngë e tyre reprezenton vlerë, duke filluar nga teksti, muzika dhe emocioni që transmeton secili instrument, secili moment i interpretimit nga Mike, e sidomos nga Chester Bennigton.

Videoklipet e tyre dhe motivi rreth këngëve nuk ka as femra, as klube të natës, as drogë, e as seksualitet – por 100 për qind vlera artistike dhe sociale.

Vokalisti i grupit, për shumë, interpretuesi më i mirë i shekullit 21 i njohur për potencën vokale dhe teknikën e veçantë të interpretimit, kohë më parë bëri vetëvrasje – për të mos vdekur kurrë.

Gjurmët që Chester Bennigton i ka lënë në muzikë, na tregojnë se sa shumë ai do t’i mungojë muzikës në të ardhmen.

Sipas mediave amerikane ai vdiq nga depresioni i thellë, prej të cilit sipas burimeve të afërta ai ka vuajtur që më shumë se dy dekada, por që nuk e ka shprehur asnjëherë, duke e transmetuar në këngët e tij, në formë të shkruar duke i realizuar me tekst dhe më pas edhe duke ua dhënë emocionin në interpretim. Secila këngë e tij reprezenton një mesazh të fuqishëm prej tij, për gjendjen e tij, por që askush nuk e ka kuptuar deri në momentin që ai vendosi t’i jep fund jetës së tij.

Chester Bennington me këngët që i shkroi, me emocionin që transmetoi me zërin e tij të veçantë arriti që të shërojë dhe të shpëtojë shumë njerëz nga depresioni dhe ankthi. Por, në fund, ai nuk arriti që ta shpëtojë veten.

“Numb”