Atyre ju duhet një pajisje më representative sikurse modeli më i ri i telefonit, Tonino Lamborghini Tauri 88, një telefon i mençur me materiale premium, dizajn italian dhe specifika të mira, raporton GSM Arena.
Tauri 88 është bërë nga çeliku dhe ofrohet në ngjyrën e artë, të zezë, dhe ngjyrën e çelikut të argjendtë, ndërsa me të vijnë edhe opsionet e mbështjellësit të lëkurës sikurse variantet në të zezë, të kaltër, të kuqe, dhe të kaftë.
Telefoni është dizajnuar në Itali dhe sjell me vete edhe logon e famshme të veturës italiane.
Tonino Lamborghini Tauri 88 sjell edhe ekranin me 5 inç në 1080p, bazohet në Android dhe mbështetet nga procesori Snapdragon 801 me 3GB RAM, 64GB memorie të brendshme dhe bateria me 3,400mAh që premton deri në 35 orë kohë bisede.
Kamera e pasme e telefonit sjell 20MP dhe 8MP në pjesën e përparme.
Merret vesh se vetëm 1947 njësi të telefonit Tonino Lamborghini Tauri 88 do të krijohen, dhe një copë do të kushtojë 6,000 dollarë. Nëse nuk e keni ditur, Antonio "Tonino" Lamborghini është djali i Ferruccio’së, themeluesit të Lamborghini, që ka lindur në vitin 1947. (Telegrafi)