Luca Toni mendon se pas aventurës në Angli, Pep Guardiola do të vijë si trajner në Itali.
Ish-sulmuesi ka një marrëdhënie të veçantë me trajnerin e njohur, ku së bashkua luajtën për Brescia në vitin 2001/02.
“Ai ishte një lojtar fantastik, dhe që atëherë një trajner në fushë,” shprehet Toni për La Gazzetta dello Sport.
“Mbi të gjitha, ai ishte një shok ekipi shumë modest. Ai erdhi si një simbol dhe kapiten i Barcelonës dhe ishte menjëherë në shërbimin tonë. Nuk mund ta quaje një VIP.”
Toni flet edhe për periudhën e Pep në Gjermani, dhe se ku duhet të shkojë për të trajnuar në të ardhmen.
“Eksperienca te Bayern e ka përmirësuar si trajner dhe si njeri. Ai fitoi në Spanjë dhe në Gjermani, tani e ka radhën Anglia, dhe Italia do të jetë hapi tjetër. Por ai duhet të ulë pretendimet e rrogës, ose qyteti i ekipit të tij duhet të shesë një prej monumenteve, në mënyrë që ai të vijë këtu”.
“Do të jetë një ndeshje e vështirë psikoliigjikisht. Dy trajnerët do ta kenë përgatitur deri në detaj ndeshjen dhe besoj se do të jetë një spektakël i bukur”, ka thënë Toni. /Telegrafi/