Sir Tom Jones e humbi gruan para një viti, ndërsa tash mediat po spekulojnë se ai është në lidhje me Priscilla Presleyn, ish-gruan e Elvis Presleyt.
Linda, gruaja e ikonës së muzikës, ndërroi jetë në moshë 59 vjeçare nga kanceri, ndërsa këngëtari e priti shumë rëndë këtë humbje, saqë vendosi ta braktiste edhe muzikën.
Në ndërkohë thuhet se Priscilla ka qenë personi që e nga ngushëlluar më së shumti 76-vjeçarin në këtë periudhë të vështirë duke bërë që miqësia e tyre të shkojë një shkallë më lart.
Madje edhe vet Jones kishte pranuar se mes tij dhe Presleyt po ndodhte diçka, transmeton Telegrafi.
“Jemi miq qe një kohë të gjatë. Ajo është një zonjë e mrekullueshme dhe po kënaqemi në darkat dhe daljet e përbashkëta”, ka thënë këngëtari.
Në muajin e kaluar, ata u fotografuan së bashku gjatë nj darke në Hollywood, ndërsa tash thuhet se lidhja e tyre është në fazën fillestare.
Priscilla u shkurorëzua nga Elvisi në vitin 1973, katër vjet para se të ndërronte jetë Mbreti i rokenrollit. /Telegrafi/