Paraqitja e re e shkurtër e filmit “Venom” me regji të Ruben Fleischer, e shfaq Tom Hardyn në rolin e Eddie Brock, i cili më vonë shndërrohet në superheroin Venom.
Në videon e parë, Sony Pictures nuk kishte dhënë shumë detaje, mirëpo të promovimin e ri të filmit, e ka mahnitur publikun.
Venomi është një jashtëtokësor i ndërtuar nga një substancë e lëngshme, i cili shndërrohet në njeri të zakonshëm.
Kur përmes procesit të simbiozës lidhet me njeriun, formohet Venomi. Ai ka qenë një keqbërës, mirëpo me kalimin kohës është shndërruar në një anti-hero, si Deadpool.
Edhe pse në filma është paraqitur vetëm një herë dhe nuk është treguar mirë, me vite të tëra Venomi ka qenë një prej karaktereve kryesore të Marvel.
Nikoqiri i parë Venom Symbiote ka qenë Spider-Mani, i cili arrin të shkëputet nga Venomi kur e kupton se ai ka për qëllim t’i lëndojë njerëzit dhe jo t’i mbrojë ata.
Krahas Hardyt, në disa prej aktorëve që do të luajnë në këtë film janë edhe Michelle Williams, Riz Ahmed, Scott Haze dhe Reid Scott. Producentë të filmit janë Avi Arad, Matt Tolmach dhe Amy Pascal.
Shtëpi prodhuese janë Columbia Pictures, Marvel Entertainment, Arad Productions, Matt Tolmach Productions e Pascal Pictures, kurse shpërndarës është Sony Pictures Releasing.
“Venom” do të nisë shfaqen nëpër kinema nga 5 tetori i këtij viti dhe vjen pas “Spider-Man: Homecoming”. /Telegrafi/
