Tom Hanks dhe gruaja e tij, Rita Wilson, tani janë zyrtarisht qytetarë të Greqisë.
Kryeministri i Greqisë, Kyriakos Mitsotakis, ndau një fotografi në Instagram me bashkëshorten e tij, Mareva Grabowski-Mitsotaki në një takim me Hanks dhe Wilson, të cilët po mbanin pasaportat e tyre të reja greke.
“Rita Wilson dhe Tom Hanks tani janë qytetarë krenarë grekë”, shkroi ai.
Greqia u ofroi nënshtetësi Hanks, 64-vjeçar, Wilson, 63-vjeçe dhe dy fëmijëve të tyre, në njohje të ndihmës së familjes në mbledhjen e fondeve për viktimat e një zjarri vdekjeprurës pranë Athinës në vitin 2018.
Aktori fitues i çmimit ’Oscar’ postoi në janar se ai ishte ‘duke filluar vitin 2020 si një qytetar nderi i të gjithë Greqisë’.
Starting 2020 as an Honorary citizen of all of Greece! Kronia pola! ( more or less, “happy year!”). Hanx pic.twitter.com/b8fmrgjvYP
— Tom Hanks (@tomhanks) January 2, 2020
Hanks dhe Wilson u diagnostikuan me coronavirus në muajin mars.
Ata u vetizoluan në Australi derisa të ishte e sigurt që ata të ktheheshin në Shtetet e Bashkuara të Amerikës.
Që atëherë, dyshja po dhurojnë plazmën e gjakut në përpjekje për të ndihmuar në studimin e vaksinave.
/Telegrafi/
