Gjatë verës u ndezën thashethemet për një divorc të mundshëm mes Tom Brady dhe Gisele Bundchen dhe tani raportimet e fundit tregojnë se modelja braziliane ka folur me një avokat në lidhje me këtë mes dramës së tyre martesore.
Ndërkohë, Brady thuhet se është i ‘shkatërruar’ nga fakti që ish-modelja e Victoria’s Secret është e gatshme për t’u divorcuar.
“Ai ndihet shumë i lënduar prej saj”, vuri një dukje një burim për revistën People.
Sipas Page Six, të dy kanë punësuar avokatë divorci, por është raportuar se e gjithë kjo nisi nga biondja.
“Unë nuk mendoj se do të ketë ndonjë rikthim tani”, shtoi burimi për Page Six.
“Gisele ka folur me një avokat divorci për një kohë, por nuk ka paraqitur asgjë dhe është ende duke folur me Tomin për çështjet e tyre”.
Modelja e njohur nga ana tjetër shprehu shqetësimet e saj për karrierën e Brady në një intervistë të fundit për Elle.
“Natyrisht, unë kam shqetësimet e mia pasi ky është një sport shumë i dhunshëm, dhe unë kam fëmijët e mi dhe do të doja që ai të ishte më i pranishëm”, tha ajo.
“Unë patjetër i kam pasur ato biseda me të pa pushim. Por në fund, mendoj se të gjithë duhet të marrin një vendim që funksionon për ta. Ai gjithashtu duhet të ndjekë lojën e tij”.
Sido që të jetë, do shohim në vazhdim se si do të rrjedhë historia e tyre. /Telegrafi/