Një ushtar është arrestuar pasi dyshohet se sulmoi gruan e tij shtatzënë dhe e qëlloi për vdekje, në mes të një supermarketi, pasi ajo kërkoi divorcin.
Siç shkruajnë mediat e huaja, përcjell Telegrafi, bëhet fjalë për Sirinporn Chumboonchu, 40 vjeçe, e cila u nda nga burri i saj, Pichet, 41 vjeç, më parë këtë muaj pasi mësoi se bashkëshorti i saj kishte një lidhje me një mësuese.
Ajo u largua nga shtëpia e tyre në Kanchanaburi, Tajlandë, për të qëndruar me familjen e saj 400 kilometra në verilindje në provincën Udon Thani.
Por Pichet e ndoqi atë, dhe akuzohet se shtiu në drejtim të saj tri herë në shpinë, para klientëve në një supermarket lokal.
Ushtari supozohet se e ka qëlluar gruan e tij tri herë në shpinë, sepse ajo nuk pranoi të pajtohej me të. Ajo vdiq më vonë në spital. /Telegrafi/