Nëntë persona janë lënduar nga një sulm me acid në një kafene në qytetin Bochum në perëndim të Gjermanisë, shkruan CNN.
“Një burrë ka hyrë në kafene rreth orës 15:25 dhe derdhi një lëng acid mbi një mysafir të ulur në një tavolinë në zonën e jashtme duke e lënë viktimën të lënduar rëndë”, tha policia lokale në njoftimin për shtyp.
Një grua e ulur në tavolinë me të dhe një kamariere u lënduan gjithashtu, transmeton Telegrafi.
Gjatë operacionit, katër policë dhe dy zjarrfikës që ranë në kontakt me lëngun gjithashtu pësuan lëndime, tha policia.
Autori fillimisht është arratisur, por është arrestuar pak më pas në afërsi.
Motivi i ngjarjes është ende i paqartë. Një hetim policor është duke vazhduar. /Telegrafi/