Një tjetër lëkundje tërmeti është ndjerë mëngjesin e sotëm në Tiranë.
Mësohet se tërmeti ka qenë më magnitudë 3.9 të shkallës Rihter.
Po ashtu sipas EMSC, bëhet e ditur se epiqendra e tërmetit ishte në Detin Adriatik, në afërsi të Kepit të Rodonit.
Ndërkohë thellësia e lëkundjeve ishte 2 km.
Kujtojmë se tërmeti shkatërrues që goditi vendin më 26 nëntor la pas 51 të vdekur si dhe mbi 700 të plagosur e dhjetra banesa të kthyer në gërmadha.
