Një ‘incident’ ka ndodhur në stërvitjet e Portugalisë ndërmjet Cristiano Ronaldos dhe Joao Cancelos.
Superylli i Manchester Unitedit i është afruar lojtarit të Manchester Cityt duke e kapur në qafë në përpjekje që ta ngrejë disponimin.
Megjithatë, mbrojtësi i krahut dukej shumë serioz dhe në asnjë moment nuk ia ktheu me të njëjtën monedhë.
What’s going on here between Cristiano Ronaldo and João Cancelo? 🧐 pic.twitter.com/KG6BrKbvxF
— Football Daily (@footballdaily) November 15, 2022
Për më shumë, derisa Ronaldo po bënte shaka kur e kishte kapur, Cancelo shihet duke ia larguar duart.
Me gjithë lajmet e vazhdueshme që po qarkullojnë për CR7 këto ditë, 37-vjeçari dukej i disponuar, por e njëjta nuk vlen edhe për shokun e tij të skuadrës.
Ylli i Cityt nuk ishte i interesuar të dëgjonte se çfarë kishte për të thënë Ronaldo dhe thjesht ia hoqi duart duke e larguar nga vetja.
— Out Of Context Football (@nocontextfooty) November 15, 2022
Duke e kuptuar se bashkëlojtari i tij nuk ishte në disponim të mirë, Cristiano u largua me buzëqeshje në fytyre.
Ky incident vjen një ditë pasi Bruno Fernandes – me të cilin luajnë bashkë te Unitedi – me hezitim ia zgjati dorën në zhveshtore. /Telegrafi/
It's nothing, but the way Cristiano Ronaldo looked at Bruno Fernandes after shaking his hand… LOL!!!pic.twitter.com/GHhXg49z8E
— UF (@UtdFaithfuls) November 14, 2022