Tirana ka marrë një lajm shumë të mirë sa i përket afatit kalimtar veror.
Në fakt, nuk bëhet fjalë për shitjen apo blerje të një elementi shumë cilësor, por për përfitimin që vjen nga një marrëveshje e mirëmenduar tri vite më parë – transmeton SuperSport.
Merveille Ndockyt, i cili u shit nga Tirana te Getafe në vitin 2017 për 400 mijë euro plus ruajtjen e 20 për qind të kartonit, tashmë është zyrtarisht pjesë e Osijekut në Kroaci.
Klubi kroat e kishte marrë nga Getafe në huazim me të drejtë blerjeje. Këtë të hënë Osijeku ka njoftuar blerjen përfundimtare të sulmuesit anësor për 550 mijë euro, sikurse parashikohej në kontratë.
Për rrjedhojë, Osijeku 110 mijë euro duhet t’i derdhë në arkat e klubit bardheblu, që korrespondon me 20 për qind të kartonit.
