Hera e parë që shihet në lëvizje, tingulli që dëgjohet prej saj është i mahnitshëm
Mbetet një nga super-veturat që të gjithë janë duke e pritur, ndërsa deri më tani, Mercedes-AMG One është parë vetëm në imazhe të ndryshme, transmeton Telegrafi.
Në një organizim privat që është zhvilluar nga Mercedes në Baden-Baden të Gjermanisë, u shfaq edhe në lëvizje dhe dikush arriti që ta filmonte.
Pamjet janë të shkurtra, por mjafton të dëgjohet tingulli i mahnitshëm që lëshon, kur lëvizë me shpejtësi, që dallon shumë nga makinat tjera. Kjo makinë sikur e garave, por që është për rrugë, tingëllon shumë me Formula One.
Motori me 1.6 litra V6 Formula 1, në kombinim me katër motorë të fuqishëm elektrikë, i mundësojnë të prodhojë 1,200 kuaj fuqi, si asnjë tjetër hibrid i këtij lloji. Por, duhet thënë se ky është ende një prototip dhe makina që del prej prodhimit, ka mundësi të jetë ndryshe.
Ishte thënë që Mercedes-AMG One të lansohej këtë vit, apo në fillim të vitit që vjen, mirëpo ndërtimi saj po hasë në shumë vështirësi, andaj lansimi është shtyrë për vitin 2021.
Vetëm 275 njësi të kësaj makine hibride do të prodhohen, derisa do të kushtojnë duke filluar nga 2.4 milionë euro. /Telegrafi/