I riu Jordan Romero, i cili së bashku me prindërit e vet, alpinistë me përvojë, tashmë është ngjitur në pesë majat më të larta të secilit kontinent, të hënën arriti në bazën e Nylam Tibet, në lartësinë prej 4.000 metrave, shkruan DPA.
Në përpjekje për tu ngjitur në kulmin e botës do ta përcjellin prindërit dhe tri sherpa. Ekspedita shpreson se deri në lartësinë 8.848 metra të arrijnë nga mesi i majit. Kjo përpjekje ka nxitur shumë reagime në Amerikë rreth rolit të prindërve të tij të cilët e lejojnë djaloshin ti ekspozohet rreziqeve të shumta gjatë ngjitjes në Everest.
Gati në të njëjtën kohë në një ekspeditë tjetër japoneze do të jetë edhe 70 vjeçarja Eiko Funashi, e cila do të përpiqet të bëhet gruaja më e vjetër në botë e cila është ngjitur në majën e botës. Kjo do të jetë përpjekja e dytë për të, pas përpjekjes së dështuar katër vjet më parë.
Alpinistja më e vjetër në botë që ka pushtuar majen e Everestit është bashkëvendësja e saj, 63 vjeçarja Tame Watanabe. /Telegrafi/