Për nder të kontributit për ushtrinë e Kosovës Istogu sot ka shpallur qytetar nderi Komandantin e Gardës Kombëtare të Iowa-s, Timothy Orr.
Timothy Orr, në sallën e Kuvendit Komunal në Istog, tha se çmimi që iu dorëzua, është më i rëndësishmi deri tani në karrierën e tij.
“Në një karrierë të gjatë keni mundësi të ballafaqoheni me shumë gjëra, por sot çelësi i Komunës së Istogut që është dorëzuar tek unë, është më i rëndësishmi”, deklaroi Timothy Orr.
Ndërkaq kryesuesi i Kuvendit Komunal të Istogut, Qaush Balaj, ka thënë se falë kontributit të gjeneralit Orr, forca e sigurisë së Kosovës ka pasur një avancim maksimal.
“Falë kontributit të gjeneralit Orr, mbështetja e Gardës Kombëtare të Iowa-s, u bë faktori kyç në avancimin profesional të Forcës së Sigurisë së Kosovës.
Në fund gjenerali Timothy Orr ka thënë se shumë shpejtë do të vijë për një vizitë më të gjatë në Istog, të takoj qytetarët e kësaj komune dhe të ketë miqësi edhe më të madhe./Telegrafi/