Ambasadori francez, Christian Timonier, ka deklaruar se dëshira është që sa më shpejtë të zgjidhet kriza dhe Maqedonia të kthehet në rrugën e përafrimit dhe integrimit në NATO dhe BE, përcjell Telegrafi Maqedoni.
Ai shprehet për një klimë të përmbajtjes dhe pajtimit ndërmjet bashkësive etnike që e përbëjnë Maqedoninë. Sipas AIM-së, ambasadori Timonier ka deklaruar se i është kumtuar letra e kryetarit Gjorge Ivanov, por nuk do ta komentojë sepse letra nuk i është dërguar kryetarit të Francës.
Timonier bëri të ditur se letra e Ivanovit do të shqyrtohet në Këshillin Evropian, këtë të premte./Telegrafi/