Njëri nga tifozët më të zjarrtë në futbollin kosovar, padyshim që është ‘Koba’ nga Suhareka, që njihet për përkrahjen e madhe që e ka ndaj klubeve të këtij qyteti.
Tifozi i Ballkanit i cili është me Sindromen Down nuk mungon në asnjë ndeshje të skuadrës së zemrës.
Së fundi, lideri i tifo-grupit të ‘Xhebrailave’, Korab Elshani, ka njoftuar se ‘Kobës’ do t’i ndërtohet një shtëpi e re.
Shtëpia do të financohet nga humanisti i njohur shqiptar, Halil Kastrati, kryetari i Ballkanit, Arsim Kabashi dhe Kryetari i Komunës së Suharekës, Bali Muharremaj.
Kryetari i Komunës së Suharekës, Bali Muharremaj, ka nënshkruar marrëveshje të bashkëfinancimi me Shoqatën Bamirëse “Jetimat e Ballkanit” për t’i ndihmuar familjet në nevojë për ndërtimin e 30 shtëpive në Komunën e Suharekës me vlerë 600.000 euro.
Kjo u bë e ditur sot në një konferencë për media. /Telegrafi/