“Tifozat Kuq e Zi” kanë filluar një iniciativë për t’u dalë në ndihmë personave t prekur nga tërmeti i fundit në Shqipëri.
Një tërmet prej 6.3 ballë ka goditur vendin tonë, duke shkaktuar disa viktima dhe qindra persona të lënduar.
Nga kjo fatkeqësi natyrore, janë shkaktuar edhe disa dëme të mëdha materiale, derisa tifozët e Kombëtares së Shqipërisë po u dalin në ndihmë personave të prekur në mënyrë financiare.
“Pas tërmeteve të fundit, Tifozat Kuq e Zi janë mobilizuar, dhe kanë ngritur një fond emergjent për ndihmë, vatrave të prekura. Ju njoftojmë se kemi filluar grumbullimin e mjeteve për zonat e dëmtuara. Për të kontribuar edhe ti, ju lutem kontaktoni përfaqësuesin më të afërt www.tifozatkuqezi.com/perfaqesuesit”.
“Gjithashtu, Tifozat Kuq e Zi, shprehin gatishmëri që të japin ndihmën e tyre vullnetare, qoftë si pjesë e ushtrisë, kryqit të kuq, apo organizatave të tjera simotra që ndihmojnë njerëzit në nevojë”. /Telegrafi/
