Deontay Wilder ka publikuar disa pamje nga stërvitjet e tij në një plazh, por ato mund të kenë shqetësuar fansat e Bombarduesit të Bronztë.
Amerikani nuk ka luftuar që nga viti 2021, dhe WBC njoftoi vitin e kaluar se ai do të luftonte me Andy Ruiz për një shans në rripin që aktualisht mbahet nga Tyson Fury.
Por, asnjë datë nuk është caktuar për ndeshjen me Ruiz, dhe Wilder e dëshiron tani përballjen me Anthony Joshuan.
Boksieri postoi pamjet e seancës stërvitore nga plazhi në llogarinë e tij në Instagram, me mbishkrimin ‘WooSah’ (që është një term për qetësi ose paqe), por fansat e tij duken të shqetësuar nga këmbët e tij të holla.
Frika për këmbët e tij të u ngrit fillimisht vitin e kaluar, kur u shfaqën pamjet e Wilder në palestër, me fansat që shpejt komentuan se Wilder ‘duhej të punonte më shumë në palestër për to’.
Këtë herë, fansat ishin po aq të tronditur, pavarësisht se e dinin fare mirë që amerikani njihet për këmbët e holla.
“Akoma nuk ka kuptim që ato këmbë të dobëta i përkasin një boksier që ka goditje më të fortë të të gjitha kohërave”. “Kam parë më shumë muskuj në këmbën e një harabeli”. “Vetëm boksieri e di, këmbët e të cilit nuk janë fotoshopuar”. “Kjo ende më shqetëson se si këmbët e tij mund të jenë kaq të dobëta për një tip të madh”. “Është kaq e vështirë të mos mendosh se sa të holla janë këmbët e tij”, janë përmbledhje të disa prej komenteve të adhuruesve të tij. /Telegrafi/
Deontay Wilder training on the beach this week…
[🎥 @BronzeBomber] pic.twitter.com/uWaRsbisxq
— Michael Benson (@MichaelBensonn) June 23, 2023