Paul Pogba është përfshirë në një “grindje” me tifozët e Manchester Unitedit pas humbjes prej 2-0 nga Cardiff City në Old Trafford.
Djajtë e Kuq e mbyllën me humbje edicionin zhgënjyes në Ligën Premier nga skuadra e rënë nga liga, ndërkohë që kanë arritur të zënë vetëm vendin e shtatë në tabelë që dërgon në kualifikime për Ligën e Evropës.
Nga ana tjetër, rivali i qytetit, Manchester City, është shpallur kampion dhe nuk ka dyshim se tifozët janë të hidhëruar. Derisa Pogba i drejtohej tunelit për në zhveshtore, disa nga tifozët e kanë zbrazur hidhërimin kundrejt tij.
“Ole! Ole! Largojeni atë!” – është dëgjuar duke thënë një tifoz, teksa francezi ka qëndruar dhe i ka dëgjuar fjalët e tij, si dhe një tifozi tjetër që thoshte: “Duhet të kesh respekt”, por me fjalë të vrazhda.
Video: Pogba verbal altercation with #mufc fans after the game #mulive [@colcournioni] pic.twitter.com/QDbyCqgQbF
— utdreport (@utdreport) May 12, 2019
Mesfushori i ka mbledhur duart në formë të një reagimi pëlqyes kundrejt tifozëve dhe pastaj e ka çuar dorën lart duke i përshëndetur ata dhe është larguar drejt tunelit.
E ardhmja e Pogbas është përfolur shumë, ndërkohë që Real Madridi është përmendur si destinacion shumë i mundshëm. /Telegrafi/