Tifozët e Liverpoolit emocionojnë të gjithë duke kënduar ‘You’ll never Walk Alone’ për herë të parë pas rikthimit në Anfield

Sezoni 2021/22 në Ligën Premier ka nisur me praninë e tifozëve dhe për ekipin e Liverpoolit ndeshja e sotme (e shtunë) ndaj Burnley ishte e para për ta si vendas dhe tifozët e tyre krijuan shumë atmosferë emocionuese dhe të shkëlqyeshme njëkohësisht.

Liverpooli e nisi sezonin e ri javën e kaluar me fitore 3-0 ndaj Norwich Cityt në udhëtim, ndërsa sot në shtëpi fitore ndaj Burnley me rezultat 2-0.

Tifozët janë kthyer tashmë brenda stadiumeve të futbollit, dhe adhuruesit e Reds kanë dhuruar spektakël dhe emocione në Anfield.

Lexo po ashtu Liverpooli merr një fitore të pastër ndaj Burnleyt

Anfield u rikthye në maksimumin e tij madhështor sot në ndeshjen si vendas ndaj Burnleyt dhe nuk kishte sesi tifozët të mos i jepnin ‘zemër’ ekipit të tyre.

Himni apo kënga e njohur e tyre “You’ll never walk alone” apo “Ju kurrë nuk do të ecni vetëm” u dëgjua para fillimit të ndeshjes pas një kohe të gjatë.

Interpretimi i kësaj kënge dhuroi emocione të mëdha mes tifozëve dhe lojtarëve, pasi kishte kohë që nuk e kishin kënduar dhe dëgjuar në Anfield. /Telegrafi/