Willian ka marrë numrin dhjetë në fanellë te Chelsea për sezonin e ri, ndërsa tifozët nuk janë të lumtur me këtë vendim.
Ky numër mbahej nga Eden Hazard që në këtë verë e kompletoi kalimin te Real Madridi, derisa flitej se atë mund ta merrte Callum Hudson-Odoi ose Christian Pulisic.
Anësori amerikan shihet si zëvendësues i belgut, mirëpo ai nuk do të mund ta marrë numrin dhjetë në fanellë për sezonin e ri.
Willianit thuhet se i është dhënë numri dhjetë në fanellë shkaku i kontributit që ka dhënë në klub që disa vite.
Por, kjo gjë nuk u ka pëlqyer tifozëve të skuadrës londineze që kanë kërkuar që numri t’i ofrohet Pulisicit ose Hudson-Odoit.
“Ai (Willian) nuk ka bërë asgjë dhe nuk ka treguar asgjë për ta merituar numrin dhjetë”, ka shkruar një tifoz i Chelseat. “Willian ta marrë numrin dhjetë në fanellë është krim, nuk ka ndryshe”, ka shkruar një tjetër. /Telegrafi/
Willian getting the #10 is absolutely criminal and nobody can tell me otherwise. He has done nothing, and shown nothing to deserve it.
— 𝗧𝗥𝗘𝗡𝗭𝗦 (@CFCTrenzs_) July 22, 2019