Barcelona mbrëmjen e djeshme (e diel) pësoi humbje me rezultat 1-0 ndaj Leganesit në shtëpi në kuadër të javës së 17-të në elitën e futbollit spanjoll.
Përveç humbjes, lajm i keq për tifozët e Barcelonës është edhe fakti që lojtari i tyre kryesor Lamine Yamal mbeti i lënduar nga ky takim.
Yamal u përfshi në një përplasje me mesfushorin e Leganesit, Yven Neyou, dhe ndonëse arriti të luajë deri në minutën e 75-të, duket se lëndimi nuk është aspak i lehtë.
Me të mësuar se Yamal ka shumë gjasa të mos paraqitet në derbin ndaj Atletico Madridit, tifozët e Barcelonës e ‘vërshuan’ me komente racistin futbollistin kundërshtar Neyou.
Siç ka raportuar Diario AS, Neyou publikoi një ‘screenshot’ në llogarinë e tij në Instagram, ku shihen komente raciste nga tifozët blaugranas.
Në foton e publikuar nga reprezentuesi kamerunas shihet se si tifozët e Barçës kanë përdorur simbole të majmunit, që në këtë rast ka konotacione racore.
Kjo nuk është hera e parë që ndonjë lojtar është abuzuar në baza racore këtë sezon, pasi trajtim të njëjtë mori edhe Endrick i Real Madridit pas një dueli ku mbeti i lënduar ylli i Liverpoolit, Ibrahima Konate.
Me kore raciste ishte përballur edhe vet Yamal nga tifozët e Real Madridit në ‘El Clasico’ të cilën e fitoi Barcelona me rezultat 4-0 më herët këtë sezon./Telegrafi/