Një tifoz i Arsenalit ka shfaqur një pankartë në shkallët e stadiumit ku kërkonte që mesfushori gjerman, Mesut Ozil, të kthehej në skuadër.
Për herë të parë pas tetë muajsh tifozët e Topçinjve u lejuan të ktheheshin në Emirates, me 2 mijë tifozët që ishin të pranishëm në ndeshjen e Ligës së Evropës ndaj Rapid Vienna e fituar nga vendasit me rezultat 4-1.
Maskota e klubit e njohur ‘Gunnersaurus’ ishte gjithashtu e pranishme pas një pushimi të gjatë, por nuk kishte asnjë shenjë për Ozilin edhe një herë.
Lojtari më i paguar i Arsenalit me pagë 350 mijë funtesh në javë, Ozil, nuk ka bërë asnjë paraqitje të vetme këtë sezon dhe u përjashtua nga skuadrat për ndeshjen e Ligës Premier dhe Ligës së Evropës.
Në fakt, ai nuk ka shkelmuar asnjë top që nga marsi pasi është ‘ngrirë’ plotësisht nga drejtuesit dhe trajneri Mikel Arteta.
‘Bring back Mesut’ sign at the Emirates 👀 #AFC pic.twitter.com/lBgWkVEk9t
— Samuel Gilbert (@Samuel_Gilbert_) December 3, 2020
6 minutes in and a Bring back mesut sign already you love to see it. pic.twitter.com/riAGaHWUcI
— Reece〽️🕊 (@ReeceWRLD) December 3, 2020
To the person who held the ‘Bring back Mesut sign’
You are my hero❤️
— AFC-Ömar (@AFC___Omar) December 3, 2020
Megjithatë, një tifoz i Arsenalit vendosi të marrë me vete një pankartë ku shkruhet “Kthejeni Mesutin” dhe ai arriti të dilte në TV.
Ozil ka pëlqyer thirrjet e tifozëve ku kërkohet që ai të kthehet në ekip, ndërsa ai lëshoi një deklaratë të fortë duke vënë në dyshim ‘besnikërinë’ e klubit në përgjigje të përjashtimit të tij nga skuadra e Ligës Premier. /Telegrafi/