Aktorja dhe modelja shqiptare, Almeda Abazi, këto ditë është duke qëndruar në Shqipëri.
Ajo me këtë rast ka dhënë disa intervista për të qenë më afër publikut e fansave.
E njëjta në programin “S’e Luan Topi” ka bërë një rrëfim emocional për të kaluarën.
Këngëtarja ka folur për herë të parë për humbjen e të atit dhe sakrificën që ishte e gatshme të bënte për të.
Abazi tha se babait të saj i nevoitej një transplant që të mund të mbijetonte, por asnjë nga të afërmit e saj nuk u ofrua t’ia dhuronte.
Prezantuesja theksoi se ishte e gatshme të bënte një gjë të tillë, por nuk i lejohej pasi ishte shumë e re.
“Kërkohej një transplant. Veshka duhej të ishte ose nga vëllezërit, ose nga motrat ose nga fëmijët. Duhej të përputhej. Mund të përputhej me vajzat e tij ose me vëllezërit dhe motrat e tij. Unë isha e para që kërkova, i thash mamit që unë dua t’ia dhuroj, por që babi nuk ka pranuar asnjëherë”, u shpreh ajo.
“Ma bëri çështje të përfunduar do të thotë “nuk ta fal kurrë nëse bën diçka të tillë”. Gjithësesi nuk e bëja dot sepse isha 15-vjeç dhe duhej të isha mbi 18-vjeç për të marrë një vendim të tillë. Edhe nëse unë doja ta bëja fshehurazi, dhe madje ua kërkova që të mos i tregonin babit, prapë nuk e bëja dot. Nuk e lejuan mjekët, sepse duhej të isha mbi 18-vjeç”, vazhdoi Abazi.
“Asnjë i afërm nuk u ofrua për këtë transplant, por i kuptoj. Mundohem t’i kuptoj. Në ato kohë nuk i kuptoja dhe nuk doja t’i kuptoja sepse është vëlla. Por që me kalimin e kohës, kur bëhesh edhe vetë nënë i mendon disa gjëra. Ndoshta ngaqë kanë pasur fëmijë, nuk është ofruar njeri”, tha mes tjerash Almeda. /Telegrafi/
