Ky është momenti i tmerrshëm kur një punëtor kanadez u regjistrua ‘i kapur për litar’ derisa zbret bashkë me një ngarkesë të një vinçi në një kantier ndërtimi në Kanada.
Sipas mediave të huaja, përcjell Telegrafi, në videon disa sekondëshe, personi i paidentifikuar nga Toronto mund të shihet duke u mbajtur në një si litar ndërsa një ngarkesë sipër tij ulet në tokë.
Dy burra me sa duket në kantierin përballë punëtorit mund të dëgjohen duke bërtitur në një përpjekje të pafrytshme për të ndaluar makinerinë.
Ndërkohë, punëtori tund këmbët në ajër dhe me të dyja duart mban “litarin” teksa bërtet i tmerruar.
Burri, i cili mbeti i palënduar pasi më në fund preku tokën, është i punësuar nga PCL Constructors Canada dhe po punonte në një vend pune në rrugët Front dhe Simcoe.
Kompania tha se dora e punëtorit ‘u ngatërrua me litarin’ pasi ai i bashkoi një ngarkesë vinçit.
Ministria e Punës e Kanadasë ka hapur një hetim për incidentin. /Telegrafi/