Thor Bjornsson shfaqet me sy të nxirë pas triumfit në meçin mbresëlënës ndaj Eddie Hall

Përkundër fitores ndaj Eddie Hall, Hafthor Bjornsson mbeti me një sy të nxirë pas goditjeve që mori në meçin pulsues të boksit.

Ylli i “Game of Thrones” e rrëzoi dy herë rivalin e tij, në atë që është konsideruar si ndeshja më e rëndë e boksit ndonjëherë dhe fitoi me një vendim unanim.

Miku i tij, Larry Wheels, e shpërndau një fotografi të përbashkët me Thor në Instagram, në të cilën shihej syri i nxirë i 33-vjeçarit.

Njësoj është paraqitur edhe në një fotografi me të dashurën e tij, Kelsey Henson.

Bjornsson e ka respektuar kundërshtarin e tij duke thënë se ai di vërtet të godasë.

Lexo po ashtu Thor Bjornsson mposht Eddie Hall në 'ndeshjen më të rëndë të boksit në histori'

“E kuptueshme, ai dukej ende paksa i zemëruar ende. E humbi duelin, kështu që është gjithashtu e kuptueshme. Por, unë jam i lumtur, nëse e dëshiron revanshin, unë do të bëj një revansh pa problem”, ka deklaruar islandezi. /Telegrafi/