Thor Bjornsson ka mundur rivalin e tij Eddie Hall me vendim unanim në ndeshjen e tyre të shumëpritur të boksit.
“Beteja më e rëndë në historinë e boksit” më në fund ndodhi pas vitesh pritjeje, me Bjornsson që bëri të qeshurën e fundit.
Të dy luftëtarët filluan mjaft nervozë meçin në Dubai teksa u përpoqën të kuptonin se sa fuqi kishte tjetri, përpara se Hall të godiste kundërshtarin e tij me disa goditje të fuqishme.
Bjornsson, i cili njihet edhe si ‘Thor’, bëri disa goditje të pastra në fund të raundit të parë dhe kamerat treguan Hall me një prerje në majë të syrit.
Sapo filloi raundi i dytë, Hall e goditi fortë Bjornssonin me dorën e djathtë që e dërgoi atë drejt e në litarë.
Hall, me nofkën ‘Bisha’, ishte gjithmonë në kërkim të goditjes vrasëse, por ishte një çështje shumë më teknike sesa pritej.
Të dy boksierët i përdornin mirë këmbët, duke pasur parasysh madhësinë e tyre, por Hall pësoi një prerje tjetër mbi syrin e kundërt në fund të raundit të dytë.
Turma brenda stadiumit të tenisit në Dubai Duty Free ishte ‘pro-Hall’ dhe mund të dëgjohej duke brohoritur emrin e tij.
Thor cracks Eddie with a nice left hook at the end of Round 3, and the bell comes in clutch. ? #ThorVsEddie pic.twitter.com/zq9nB8y6MM
— Richie Vargas (@RichieRich93_) March 19, 2022
Në fund të raundit të tretë, turma mbeti e shtangur ndërsa Bjornsson lëshoi një kombinim të nxehtë për të trullosur dhe rrëzuar armikun e tij të gjatë.
Kjo e bëri luftën më pragmatike pasi gjigantët u lodhën në raundet katër dhe pesë.
Raundi i gjashtë ishte një çështje e ngadaltë dhe Bjornsson e kishte thuajse të arritur fitoren e tij.
Të tre gjyqtarët shënuan jep rezultate të njëjta 57-54 për Bjornsson si fitues dhe atij iu dha një rrip kampion.
Pavarësisht problemeve të tyre, dyshja u përqafuan në ring ndërsa ish-ylli i ‘Game of Thrones’ festoi fitoren e tij. /Telegrafi/
