Presidenti i Interit, Erick Thohir, i ka dalë në mbështetje Roberto Mancinit duke thënë se klubi beson te trajneri.
Objektivi i Nerazzurrëve për sezonin 2015/2016 ishte kualifikimi në Ligën e Kampionëve, por ata arritën vetëm Europa Leaguen.
Dhe pas përfundimit të sezonit, mediat kanë raportuar se strategu italian mund të largohet.
“Secili lojtar i Interit duhet të jetë krenar që bart këtë fanellë. Objektivi për sezonin e ardhshëm është padyshim që të jemi më të mirë”.
“Ne duhet t’i besojmë trajnerit dhe ta inkurajojmë atë që të vazhdojë të bëjë më të mirën”, ka deklaruar Thohir. /Telegrafi/