Rreth orës 9 të mëngjesit, policia e qytetit të Cyrihut kishte marrë një raport në lidhje me një burrë të plagosur në një pronë në Herrligstrasse.
Sipas mediave zvicerane, përcjell Telegrafi, në vendin e ngjarjes, shërbimet e urgjencës gjetën një burrë i cili ishte plagosur rëndë me një thikë.
Dhe pavarësisht masave të menjëhershme nga ekipet shëndetësore, ai vdiq në vend.
Pas kësaj, siç thueht më tej, një patrullë nga Policia e Qytetit të Cyrihut ishte në gjendje të ndalojë dhe arrestojë autorin e dyshuar jo shumë larg vendit të krimit.
I dyshuari është dërguar në zyrën e prokurorit publik.
Identiteti i personave të përfshirë nuk është përcaktuar ende dhe historiku dhe rrjedha e krimit janë objekt i hetimit në vazhdim.
Specialistët nga Instituti i Mjekësisë Ligjore në Cyrih u thirrën për të siguruar prova.
Siç raporton një banor, vitet e fundit ka pasur gjithnjë e më shumë mosmarrëveshje në lagje. /Telegrafi/