Rezervat kineze në bursë ranë përsëri të martën pasi vendi regjistroi të dhëna të dobëta ekonomike që nxitën shqetësimet për një ngadalësim të vazhdueshëm. Indeksi i Çmimeve të Prodhuesve, i cili mat koston e mallrave të shitura për bizneset dhe është një masë e rëndësishme e përfitueshmërisë së ndërmarrjeve ra 0.8 për qind në muajin gusht krahasuar me një vit më parë. Sipas statistikave të qeverisë, pkjo është rënia më e keqe në tre vjet.
Pas publikimit të të dhënave, indeksi SHCOMP i Shanghait ra me 0.4 për qind, ndërsa indeksi Hang Seng i Hong Kongut ishte gati i sheshtë e në vlera negative. Në të kundërt, treguesit e vendeve fqinje duket se ecën mirë, ku Nikkei i Japonisë u rrit me 0.5 për qind dhe Kospi i Koresë së Jugut fitoi gjithashtu 0.3 për qind.
Analistët thanë se rënia e indekseve kineze tregoi një ngadalësim të gjerë të kërkesës. Në këto kushte, Julian Evans-Pritchard, ekonomist i lartë i Kinës për Capital Economy, u shpreh se pret që Kina të lehtësojë politikën e saj monetare edhe më shumë gjatë muajve të ardhshëm, përcjell Telegrafi.
Banka qendrore e vendit ka ndërmarrë tashmë disa hapa për të mbështetur ekonominë e saj, përfshirë njoftimin e së premtes se do të zvogëlojë sasinë e parave që bankat duhet të mbajnë si rezervë. Ndërkohë, Indeksi i Çmimeve të Konsumit në Kinë në muajin gusht u rrit më 2.8 për qind krahasuar me po të njëjtën periudhë të vitit të kaluar. Por edhe pse në rritje, treguesi shënoi vlera më të ulëta se sa projeksionet e analistëve, të cilët prisnin një rritje prej 2.6 për qind. /Telegrafi/