Presidenti i Republikës së Kosovës, Hashim Thaçi, e ka uruar Matthew Palmer për detyrën e re.
Sekretari i Shtetit ka emëruar Zëvendës Ndihmës Sekretarin, Matthew Palmer, si Përfaqësuesin e tij të Posaçëm për Ballkanin Perëndimor.
“Uroj emërimin e Palmer si përfaqësues special për Ballkanin Perëndimor dhe mirëpres një rol në rritje të SHBA-së në integrimin e Kosovës dhe gjithë rajonit tonë në Kombet Euro-Atlantike”, ka shkruar Thaçi në Twitter.
I congratulate appointment of DAS Palmer as special representative for WB and welcome an increased role of the US in integrating #Kosovo and our whole region into the Euro-Atlantic club of nations.
— Hashim Thaçi (@HashimThaciRKS) August 31, 2019
Ndryshe, për emërimin e Matthew Palmer si Përfaqësues Special për Ballkanin ka ardhur një reagim edhe nga Serbia.
Shefi i diplomacisë serbe, Ivica Daçiq një emërim të tillë e ka konsideruar si një shenjë se administrata amerikane dëshiron të shtyjë përpara procesin e bisedimeve Beograd-Prishtinë. /Telegrafi/