Presidenti i Kosovës, Hashim Thaçi, ka uruar besimtarët myslimanë për fillimin e muajit të shenjtë të Ramazanit.
Thaçi ka pohuar se gjatë agjërimit, besimtarët e sprovojnë durimin, disiplinën fizike dhe shpirtërore, transmeton Telegrafi.
“Të gjithë besimtarëve myslimanë ua uroj fillimin e muajit të shenjtë të Ramazanit. Përmes agjërimit, si një prej obligimeve themelore të fesë islame, besimtarët e sprovojnë durimin, disiplinën fizike dhe shpirtërore për një muaj, duke forcuar ndjenjat e paqes, solidaritetit dhe mirësisë me njëri-tjetrin. Urime dhe agjërim të lehtë”, ka shkruar Thaçi në Facebook./Telegrafi/
