Presidenti në ardhje, Hashim Thaçi ka uruar qytetarët me rastin e fillimit të zbatimit të Marrëveshjes së Stabilizim-Asocimit, duke e quajtur hap historik në rrugëtimin drejt familjes evropiane.
Lexoni të plotë postimin e tij në Facebook:
“Sot hyri në fuqi Marrëveshja e Stabilizim-Asocimit në mes të Kosovës dhe BE-së, duke shënuar kështu hapin e parë historik në rrugën e anëtarësimit tonë në familjen evropiane.
Shumë gjenerata e kanë pritur këtë ditë, që edhe zyrtarisht të bëhemi pjesë e tregut të përbashkët evropian.
Uroj ekipin negociues, institucionet, bizneset dhe të gjithë qytetarët e Kosovës.
Tash na pret një punë madhore në implementimin e MSA-së në çdo sferë të ekonomisë, të politikës dhe të drejtave të njeriut, për të mirën e përgjithshme të shoqërisë”. /Telegrafi/