Site icon Telegrafi

Thaçi: Pa shërimin e të kaluarës, nuk mund të ndërtohet e ardhmja

Në takimin e dytë konsultativ të Komisionit për Pajtimin dhe të Vërtetën, presidenti i e vendit Hashim Thaçi, tha se ende ka hendek mes komuniteteve në Kosovë.

“Ndasitë dhe frika që ka shkaktuar lufta ende janë gjallë”, ka thënë Thaçi.

Thaçi theksoi se shoqëria kosovare nuk mund ta ndërtojë të ardhme më të mirë nëse mbetet peng i së kaluarës.

Presidenti shtoi se takimi me familjarët e të pagjeturve të të gjitha komuniteteve ka qenë takim i rëndësishëm për të, duke thënë se ka insistuar që çështja e të pagjeturve të ngritët edhe në takimet në Bruksel, transmeton Telegrafi.

Kreu i shtetit tha se synimi i këtij komisioni është e vërteta, e cila shëron shoqëritë nga hakmarrja dhe urrejtja.

Thaçi tha se komisioni nuk është zëvendësim i drejtësisë por mund ta ndihmojë drejtësinë dhe ndëshkimin e krimit. Ai tha se e vërteta do të zbulohet për të gjithë sado e hidhur mund të jetë ajo./Telegrafi/

Exit mobile version