Presidenti i vendit, Hashim Thaçi, të enjten do t’i takojë krerët e dy institucioneve më të rëndësishme, kryeministrin Ramush Haradinaj dhe kryeparlamentarin Kadri Veseli.
Zyra e Presidentit ka bërë të ditur për këto takime, duke qartësuar se të parin do ta takojë Kadri Veselin e më pas edhe Ramush Haradinajn.
Kryeparlamentarin do ta takojë presidenti në orën 09:30, e më pas shefin e qeverisë e takon në orën 13:30.
Ndryshe, ky do të jetë takimi i parë i tre njerëzve që udhëheqin me institucionet kryesore të Kosovës, pasi sot bëhen një javë që kur u votua Veseli për të parin e Kuvendit, e pesë ditë për Haradinajn që u votua për në krye të ekzekutivit të vendit.